Impressionen aus der HCR-Beiz „Zum Örgeli-Grill“

Es Rägifäscht git's all vier Jahr,
de HCR isch au debii, das isch ja klar!

Es hät viel Lüt vo Nah und Fern
zum Örgeli-Grill, da chömets gern!

 

Scho gli isch euses Fäschtzält voll,
euses Agebot isch eifach toll.

Bi heissem Wätter, Sunneschii,
da trinkt me gern es Gläsli Wii.

Féchy, Fleurie, Mont sur Rolle,
die Fläsche blibet nöd lang voll.

Ice tea, Red Bull, grosses Bier,
Rivella, Cola, servier ich dir.

Pommes frites und es Steak vom Schwein
All Lüt findet: Das isch fein!

D'Friteuse laufet heiss,
de Hälfer rinnt de Schweiss.

Pouletflügeli heiss und frisch
bringet mir de Lüt an Tisch.

Cervelat, Grillbratwurst mit Brot:
das isch en Gnuss bim Abigrot.

"Dörf ich Ihne nomal öpis bringe?
Oder möchtet Sie go‘sTanzbei schwinge?„

S' Duo Romantica hät Musig gmacht,
heissi Rhythme, cooli Songs bis tüf i d'Nacht.

Und au am nächste Rägifäscht dänn i vier Jahr,
sind mir vom HCR debii, das isch doch klar!


Bettina Pfenning